Home/Eastern Africa Journal of Kiswahili/Article Record
Peer-Reviewed Article July 16, 2026

Urasimishaji wa Kiswahili katika Asasi Tumizi: Mafanikio na Changamoto

Are you an author of this work?Link to your sovereign AfriScholar profile
Published in: Eastern Africa Journal of Kiswahili
Publisher: Editon Consortium Publishing • Kenya • 2958-1036
DOI: https://doi.org/10.51317/eajk.v5i1.1084

Abstract

Makala hii imechunguza hali ya urasimishaji wa Kiswahili katika asasi tumizi nchini Kenya. Inalenga kuangazia mafanikio yaliyopatikana na changamoto zinazokwamisha utekelezaji wa hadhi ya Kiswahili kama lugha rasmi kwa mujibu wa Katiba ya Kenya ya 2010. Utafiti ulifanywa kupitia uchambuzi wa kina wa nyaraka mbalimbali, huku matokeo yakiwa yamewasilishwa kwa njia ya maelezo. Matokeo yanaonyesha kwamba japo hadhi ya Kiswahili imeanza kuamilishwa kutokana na ongezeko la matumizi yake katika sekta za elimu, sheria, utawala, uchumi na afya, mafanikio yaliyopatikana ni madogo. Imebainika kuwa asasi hizi hazijatumia kikamilifu nguvu za kisheria zilizopo katika Katiba ya Kenya (2010) kuhusu hadhi ya Kiswahili kama lugha rasmi. Changamoto za utekelezaji zimetokana pia na mienendo hasi ya watumishi wa umma pamoja na umilishe mdogo wa Kiswahili miongoni mwao. Kwa nyongeza, ukosefu wa sera madhubuti kuhusu utofauti wa lugha nchini Kenya umezuia juhudi za kurasimisha Kiswahili. Hali hii imeongezwa na ukosefu wa tafsiri za nembo na hati za serikali kwa Kiswahili. Makala hii inahitimisha kwamba, ili kuepusha wananchi kuendelea kukosa taarifa na huduma muhimu zinazotolewa na asasi hizi, serikali inahitaji kuchukua hatua za kimkakati na kutoa rasilimali zinazohitajika kwa kuamilisha urasmi wa Kiswahili kwenye asasi husika.

Download Full Text PDFCrossref RecordCrossref XML

Verified Citation Velocity

Recorded scholarly citations in African and international peer-reviewed literature

0
Total Citations

Citations are continuously tracked and harvested across continental OJS endpoints and OpenAlex feeds.