Home/Eastern Africa Journal of Kiswahili/Article Record
Peer-Reviewed Article September 23, 2026

Nafasi ya Mandhari katika Kukuza Maudhui katika Filamu ya Becky: Uchanganuzi wa Kisemiotiki

Are you an author of this work?Link to your sovereign AfriScholar profile
Published in: Eastern Africa Journal of Kiswahili
Publisher: Editon Consortium Publishing • Kenya • 2958-1036
DOI: https://doi.org/10.51317/y62syy48

Abstract

Makala hii ilichanganua namna mandhari inavyofanya kazi kama ishara katika kukuza maudhui katika filamu ya Becky kwa kutumia Nadharia ya Semiotiki. Ingawa tafiti nyingi kuhusu filamu za Kiswahili zimejikita katika lugha, wahusika na ploti, nafasi ya mandhari kama ishara katika kukuza maudhui haijachunguzwa kwa kina katika filamu za mfululizo za Kiswahili nchini Kenya. Utafiti ulitumia muundo wa mchanganyiko wenye mkazo wa ubora, ambapo vipindi 30 kati ya 211 viliteuliwa kwa usampulishaji dhamirifu. Data ilikusanywa kwa kutazama vipindi teule, kunakili mazungumzo yanayohusiana na mandhari na kuchanganua uhusiano kati ya mandhari, vitendo na maudhui. Matokeo yanaonyesha kuwa mandhari ya makazi, kazi, hospitali, polisi, vichakani, makaburini, mandhari ya kidhania na harusi hutumika kama ishara zinazokuza maudhui ya utabaka, kazi, ugonjwa, uhalifu, mauti, tamaa na ndoa. Kwa hiyo, mandhari si usuli wa matukio pekee, bali ni mfumo wa ishara unaoshirikiana na mazungumzo na matendo katika kujenga maana. Makala inapendekeza watayarishaji wa filamu kuzingatia uteuzi na upangaji wa mandhari kama sehemu ya ujenzi wa maudhui, huku tafiti zijazo zikichunguza mwingiliano wa mandhari na mwanga, sauti, muziki, mavazi na upigaji picha. Utafiti huu unaonyesha umuhimu wa mandhari katika kuunganisha fani, maudhui na tajriba ya hadhira katika filamu za mfululizo za Kiswahili.

Download Full Text PDFCrossref RecordCrossref XML

Verified Citation Velocity

Recorded scholarly citations in African and international peer-reviewed literature

0
Total Citations

Citations are continuously tracked and harvested across continental OJS endpoints and OpenAlex feeds.