Assisen n tmezgunin n Muḥya « Si Nistri » akked « Si Leḥlu »
Abstract
Deg umagrad-a, neεreḍ ad d-nessisen snat n tmezgunin n Muḥya « Si Nistri » akked « Si Leḥlu » i d-yerra s umsasa seg tefransist γef teqbaylit. Seld mi d-newwi awal γef tmeddurt n umeskar d leqdic-ines deg umezgun, nga aserwes gar tmezgunin tiγbula d tmezgunin tinicanin, tamezwarut gar : « La Farce de Maître Pathelin » akked « Si Nistri », tis snat, gar : « Le Médecin malgré lui » akked « Si Leḥlu » deg wayen yerzan iwudam d yisental. Tazrawt-a tesbeyyen-d dakken timezgunin timsasasin i yura Muḥya sdukklent gar yisental igraγlanen i iḥuzan akk talsa i nufa deg tmezgunin tiγbula d yisental-nniḍen uzzigen, i yerzan asatal idlesmetti aqbayli.
