Home/Eastern Africa Journal of Kiswahili/Article Record
Peer-Reviewed Article August 30, 2026

Mchango wa Fasihi ya Watoto katika Uwasilishaji wa Hisia

Are you an author of this work?Link to your sovereign AfriScholar profile
Published in: Eastern Africa Journal of Kiswahili
Publisher: Editon Consortium Publishing • Kenya • 2958-1036
DOI: https://doi.org/10.51317/eajk.v5i1.1132

Abstract

Makala hii ililenga kubainisha jinsi hisia za watoto zinavyowasilishwa katika fasihi ya watoto ya Kiswahili, kwa kuzingatia mchango wa mazingira ya kifamilia na kijamii katika kuathiri hisia hizo. Fasihi ya watoto ni nyenzo muhimu ya kuakisi hali halisi ya maisha ya watoto. Hususan hisia wanazopitia katika mazingira yao ya kifamilia na kijamii. Mtazamo wa awali ulichukulia fasihi ya watoto kama chombo cha burudani na ufundishaji wa lugha. Fasihi ya kisasa inawakilisha kwa upana ulimwengu wa mtoto. Fasihi inaweka wazi changamoto, uzoefu na hisia mbalimbali katika maisha ya watoto. Kuna haja ya kuchunguza hisia zinazotokana na mazingira ya familia. Makala haya yalilenga kutathmini jinsi hisia za watoto zilivyowasilishwa katika fasihi ya watoto ya Kiswahili. Uchambuzi uliongozwa na Nadharia ya Uhalisia, ambayo ilisisitiza uwasilishaji wa maisha jinsi yalivyokuwa bila kupiga chuku. Kupitia nadharia hiyo, ilibainika kuwa waandishi waliwasawiri watoto wakipitia hisia kama vile furaha, huzuni, hofu, hasira, upweke, upendo na wasiwasi. Hisia hizo zilichochewa na mazingira ya kifamilia, uhusiano na wazazi, hali ya kiuchumi, migogoro ya ndoa, mazingira ya shule na mwingiliano wao na jamii. Utafiti huu ulitumia mbinu ya kimaelezo na uchanganuzi wa matini. Data ilikusanywa kutoka kwa novela zifuatazo: Ahaa! Roda, Mshale wa Matumaini na Siri ya Baba Yangu. Novela hizi ziliteuliwa kimakusudi. Uchambuzi ulionyesha kuwa familia ni mazingira muhimu katika kujenga na kuathiri ustawi wa kihisia wa watoto. Makala haya yalihitimisha kuwa fasihi ya watoto ya kisasa imechangia kuhalalisha hisia za watoto. Fasihi inaelimisha watoto kuhusu hali zao za kisaikolojia. Kwa msingi huo, makala haya yalipendekeza kuwa hisia za watoto zitambuliwe na zipewe uzito katika familia, shule na jamii ili kuimarisha ustawi wao wa kihisia, kijamii na kisaikolojia.

Download Full Text PDFCrossref RecordCrossref XML

Verified Citation Velocity

Recorded scholarly citations in African and international peer-reviewed literature

0
Total Citations

Citations are continuously tracked and harvested across continental OJS endpoints and OpenAlex feeds.